Busan, 15 de fevereiru de 2026
Embaixada Timor-Leste iha Repúblika Korea, Adida da Justisa.
Enkontru entre Adida da Justisa, Adidu Traballhu, ekipa embaixada ho Prezidente União Trabalhadores iha Korea do Sul ho estrutura inklui Xefe área sira husi kada provinsia hotu iha Korea do Sul, iha loron 15 fulan fevereiru tinan 2026.
Tuir konvite ofisiál ne’ebé simu, Adida Justisa Sra. Octávia Celeste de Sousa Soares ho Adidu Traballhu Sr. Feliciano S. Mendonça hamutuk ho ekipa husi embaixada mak hanesan: Asistente Adida Justisa Sr. Henrique da Costa, Fokal point husi Adidu traballhu Sr Benjamin Bano no staf lokal embaixada nian Sr. Marciano Fernandes, partisipa iha enkontru hamutuk ho Prezidente União Trabalhadores Timor-Leste iha Korea do Sul, Sr. António Filomeno da Cruz ho nia estrutura, Konselheiru UTTLCS Pe.Martin Quido Naikofi SVD, reprezentante Xefe Área Trabalhadores Timor-oan sira husi fatin oin-oin ne`ebé sentraliza iha Busan, República da Coreia. Enkontru ne’e sai momentu importante atu hametin unidade no solidariedade entre instituisaun Estadu no ita nia komunidade timor-oan sira iha Korea do Sul.
Iha oportunidade ne’e, ami halo avaliasaun kle’an ba realizasaun Festa Amicus 2025 hanesan manifestasaun identidade, amizade no orgullu nasionál. Paralelamente, ami diskute ho seriedade kona-ba futuru legalizasaun União Trabalhadores Timor-oan iha Korea, atu garante katak direitu, dignidade no interese trabalhador sira protejidu ho baze legal ne’ebé forte no transparente ba organizasaun ne`ebé sira hotu hari liu Husi União trabalhadores Timor-Leste iha Republika Korea.
Nudar Adida Justisa iha dialogu ne`e, no ba futuru sei kria nafatin kooperasaun diak ho sidadaun Timor-oan sira liu husi servisu hamutuk nudar dalan prinsipal atu asegura justisa, estabilidade no bem-estar ba komunidade Timor-oan tomak.
Enkontru ne’e hala’o ho objetivu atu hametin komunikasaun no koordenasaun entre autoridade relevante sira no komunidade Timor-oan ne`ebé servisu, eskola no hela iha republika Korea.
Iha enkontru ne’e, parte sira halo avaliasaun ba realizasaun Festa Amicus 2025, inklui aspetu organizasaun, partisipasaun no impaktu ba komunidade. Diskusaun sira la’o ho ambiente konstrutivu no fó oportunidade ba parte hotu-hotu atu hato’o sira nia hanoin no rekomendasaun hodi hadia atividade sira iha futuru.
Aleinde ne’e, enkontru ne`e mos aborda asuntu estratéjiku kona-ba futuru legalizasaun UniãoTrabalhadores Timor-Leste iha República Coreia ho fokus ba aspetu legal, prosedimentu administrativu no nesesidade atu asegura direitu no interese trabalhador sira iha kondisoins ne`ebé sira tau hamutuk, protejidu tuir lei ne’ebé vigora hodi hetan legalidade juridikamente ba legalizasaun Estatutu União Trabalhadores sira nian liu husi Ministério da Justisa.
Nudar Adida Justisa partisipa iha enkontru ne’ebé realiza ho objetivu atu hametin relasaun institusionál no promove kooperasaun entre parte sira ne’ebé relevante. Enkontru ne’e hala’o iha ambiente konstrutivu no respeitu malu, ho fokus ba troka ideia, partilha esperiénsia no diskuti asuntu estratéjiku sira ne’ebé iha interese komún.
Iha oportunidade ne’e, parte hotu-hotu fó apresiasaun kona-ba situasaun atual no identifika área prioritária sira atu hametin kolaborasaun iha futuru. Diskusaun sira ne’ebé hala’o kontribui atu kria komprensaun mútua no estabelese komitmentu ba dezenvolvimentu sustentavel, estabilidade no benefísiu Trabalhadores tomak.
konsidera katak enkontru ida ne’e importante tebes tanba reforsa espíritu dialogu no kooperasaun, ne’ebé sai fundamentu prinsipal ba konstrusaun relasaun ne’ebé produtivu no duradoura.
